E kishim paralajmëruar dje dhe ashtu ndodhi. Dy nga futbollistët e huaj të Vllaznisë, Gordan Vuk dhe Sergi Moreno I kanë dhënë lamtumirën skuadrës shkodrane dhe qytetit. Ata kanë zhvilluar edhe seancën e paradites së djeshme dhe më pas, I janë drejtuar njërës prej bankave të qytetit sëbashku me administratorin e klubit Kujtim Shaba për të bërë likujdimet e fundit dhe janë larguar andej nga erdhën në janar të këtij viti. Nuk dihet pse gjithë ky nxitim për t’I larguar por meqë palët janë marrë vesh, nuk ka pse të merremi me këtë çështje. Ajo që na shqetëson ka të bëjë me një reagim të klubit shkodran në faqen e tij të internetit. Në një shkrim të gazetës sonë dje pikërisht në lidhje me këto largime, është përmendur fjala “fshesë” tek Vllaznia. Sipas klubit, ndërprerja me mirëkuptim e kontratave nuk mund të quhet “fshesë”. Por pikërisht paraditen e djeshme, trajneri dhe drejtori sportiv Armir Grima paralajmëroi se pas ndeshjes me Dinamon do ketë të tjerë largime të futbollistëve të huaj. Në kushte të tilla, kur kontrata e këtyre futbollistëve përfundon më 31 maj, pse gjithë ky vrull për t’I larguar para kohe? Ne gazetarët dhe gazetat ku shkruajmë “akuzohemi” se përgjithësisht ato çfarë ne pasqyrojmë në këto media nuk përputhen me realitetin. Por a munden zotërinjtë drejtues të Vllaznisë të na thonë se çfarë nuk është përputhur me realitetin nga ato që ne kemi shkruar? Ata duhet të jenë të bindur se gazetarët e kanë bërë shumë më mirë punën e tyre sesa e kanë bërë ata vetë punën për të drejtuar këtë Vllazni që është nga më të dobëtat e shumë e shumë viteve. Sa për ilustrim të kësaj që po themi, dje Jabllan e ka shtyrë “biletën e kthimit” për në Mal të Zi sepse ka dalë në stërvitje. Por ai nuk është marrë nga trajneri Grima për ndeshjen e sotme. Ka qenë shumë interesant një moment në fundin e seancës së djeshme stërvitore kur sulmuesi malazez, kuptohet me ironi I ka thënë në gjuhën shqipe njërit prej pjestarëve të stafit drejtues të Vllaznisë: “Suksese, nesër”. Dhe përgjigja e këtij të fundit, ndonëse jo direkt në sy, kanë qenë një lumë fjalësh aspak të mira. Kjo tregon më së miri, sa I kanë dashur këta futbollistë për atë kontribut që kanë dhënë, drejtuesit kuqeblu. Dhe nëse ne kemi thënë “fshesë”, ajo ndoshta është fjala më e lehtë që kemi përdorur. Këta futbollistë, janë dashur të largohen me “rruspa” nga skuadra prej kohësh, ose më së miri do ishte nëse nuk do ishin marrë fare.www.shkodrasport.com
