Trajneri i Barcelonas, Xavi ka lavdëruar Ilkay Gundoganin pasi tha se gjermani “është një dhuratë nga qielli për ne”.
Gjermani e ka nisur shumë mirë aventurën te Barça, duke shënuar tre gola dhe duke dhënë 6 asiste në 25 ndeshje. Përpara ndeshjes së tyre në Copa del Rey në Barbastro më vonë sot, Xavi ka lavdëruar nënshkrimin 33-vjeçar të verës.
Trajneri tha për veteranin, i cili nënshkroi për Blaugrana qershorin e kaluar në një marrëveshje dyvjeçare pas shtatë sezonesh në Manchester City:
“Ilkay po kontribuon shumë për ne. Një ditë më parë ai bëri diferencën në një moment të vështirë. Ai është një lojtar që i jep personalitet ekipit. Ai është gjithmonë pozitiv. Një dhuratë nga qielli për ne”.
Gundogan ka filluar të lërë vërtet gjurmë te Barça, me ish-yllin e Cityt, i cili fitoi Triplete-n sezonin e kaluar, duke i dhuruar skuadrës një fitore në minutat e fundit kundër Las Palmas për të mbajtur gjallë shpresat e tyre për titull në La Liga./telesport/
