U luajt dje në Shkodër, ndeshja mes Vllaznisë dhe Laçit, që përfundoi me rezultatin 1-0 .
Para këtij takimi, presidenti i Kamzës, Xhelal Mziu deklaroi se ky takim është i trukuar dhe do të përfundonte me rezultatin 1-0.
Pas parashikimit të saktë të Mziut pati reagime të shumta, madje dhe nga ekipi i Laçit.
Presidenti Pashk Laska, në një deklaratë të dhënë pas ndeshjes, ka thënë se lojtarët nuk do të reagojnë me në televizion për çështje të tilla.
“Nuk është normale kjo që ndodh, që pas një ndeshje të luftuar të ekipit tonë, të pyetet në lidhje me tolerime të mundshme apo gjëra të tilla.
Ndihemi të ofenduar dhe që nga ky moment kemi marrë vendimin, që në emisionin “Gol pas Goli”, në Supersport, asnjë drejtues, pjestar i stafit, apo lojtar nuk do të flasë më”, përfundoi deklarata e Laskës./newsport/
