Orjan Xhemalaj është një nga titullarët e skuadrës së Erzenit, ndërsa ai ka luajtur edhe në Superiore me skuadrën e Teutës. Xhemalaj, aktualisht 29-vjeçar ka besim se skuadra shijakase do të rivalizojë deri në fund këtë sezon edhe pse ka në grup dy ekipe mjaft të forta, si Vllaznia ashtu edhe Dinamo. Sipas tij, skuadra shijakase do të jetë dinjitoze në çdo ndeshje.
-Xhemalaj, si ju duket ky sezon në Kategorinë e Parë?
Ka konkurrencë dhe unë e shoh Erzenin një skuadër shumë solide, madje janë bërë afrime cilësorë dhe kam beism se skuadra do të ketë rezultate pozitive në vijmësi të garës. Kampionati, sidomos në Grupin e Veriut më duket pak i ashpër, por unë kam besim se do të jemi dinjitozë.
-Pse thuhet që Vllaznia e ka të sigurtë ngjitjen?!
Le të komentojnë çfarë të duan. Personalisht, apo dhe klubi ynë kurrë nuk e ka shprehur një gjë të tillë. Ne do të luajmë për të argëtuar tifozët tanë dhe unë kam besim se ne do të jemi një ekip që luan bukur, në fushën e vete por edhe në transfertë.
-Si një lojtar me eksperiencë në Kategorinë e Parë, ku e shihni garën më të fortë dhe me më shumë rivalitet?
Kategoria e Parë ka shumë konkurrencë, u bën disa vite që rivaliteti është i madh, siodmos për ngjitjen në Superiore. Të dyja grupet i shoh të forta, por këtë sezon më duket sikur në jug ka më shumë konkurrencë. Janë tetë ekipe që kanë qenë pjesë e Superiores dhe shoh që për pesëshen e parë ka një betejë të vërtetë./vipsport/
