Dje u bë i ditur lajmi se trajneri i mirënjohur portugez ishte shkarkuar nga Manchester United. Dhe a e dini se çka e shkaktoi këtë humbje? Natyrisht, rezultatet e dobëta dhe loja e varfër por momenti vendimtar ose goditje vendimtare ishte e Xherdan Shaqirit që me dy golat e tij e fundosi portugezin i cili mund të mos e marrë veten më.
Shaqa është futbollist anësor 27 vjeçar i lindur në Gjilan të Ish Jugosllavisë. Ai u transferua në Liverpool për hiç më pak se 15 milionë euro. Paraprakisht ka luajtur për Stoke Cityn, Inter Milanin, Bayernin dhe Baselin. Në total ka shënuar 71 gola në 359 ndeshje, shkruan Periskopi.
Anësori gjilanas është rrugës për t’u bërë legjendë e Kombëtares së Zvicrës. Ai ka luajtur për helvetët 78 herë duke shënuar 22 gola.
Ai ka emigruar në Zvicër si foshnje me familjen e tij. Ata u vendosën në Augst, një qytet i vogël në Basel, afër kufijve të Francës dhe Gjermanisë.
Babai i tij nuk e flet gjuhën gjermane, kështu që punonte si pjatalarës në një restaurant para se t’ia niste të mirrej me ndërtimtari. Nëna e tij punonte si pastruese në ndërtesa të zyreve në qytet. Babai i tij iu dërgonte aq para sa mundte në Kosovë. Idoli i tij ishte sulmuesi brazilian Ronaldo, ose siç njihet ndryshe ‘Ronaldo origjinali’.
Ai ka marrë nofkën “Messi alpin” dhe “xhuxhi magjik”.Shaqiri është deklaruar mysliman. Ishte zgjedhur në ballinën e FIFA 15 krah të madhit Lionel Messi.
Në vitin 2018 ai kishte shënuar golin e fitores për Zvicrën kundër Serbisë, duke festuar në mënyrë nacionaliste me shqiponjën të bërë me duar. Por, megjithëse mori përkrahje të madhe ai u pendua për gjestin duke deklaruar se kurrë më nuk do të festonte në të njëjtën mënyrë.
https://www.youtube.com/watch?v=E1P6_6hS-CE
