Një përballje shumë interesante do jetë ajo e ditës së nesërme mes skuadrës iraniane të Sepahan ku luan futbollisti shkodran dhe asaj Al Nasri të Emirateve të Bashkuara Arabe. Kjo është një ndeshje e vlefshme për fazën e grupeve të Ligës së Kampioneve të Azisë. Përveç këtyre dy skuadrave, në këtë grup janë edhe kampionet e Arabisë- Al Ehly dhe ajo e Katarit-Lekhëiya. Janë ndeshjet e para në grup dhe dy të parat e secilit grup dalin në 16-she.
Ka një vlerësim shumë të madh për këtë kupë sepse marrin pjesë skuadrat më të mira të Azisë, ata që po investojnë shuma të jashtëzakonshme në marrjen e lojtarëve cilësorë. Për ta vërtetuar këtë, mjafton të themi se me skuadrën Al Narsi të Emirateve Arabe, që do luajë sot ndaj skuadrës së Sukajt, luajnë në formacion edhe dy futbollistët e njohur italian, Luka Toni dhe Breshiano. Një përballjë shumë interesante kjo teksa do jetë një sfidë në mes Sukajt dhe Tonit.Vetë sulmuesi shkodran që është transferuar në janar tek kjo skuadër, pritet të jetë në formacion nga minuta e parë në këtë ndeshje dhe beson tek suksesi i skuadrës së tij teksa thotë: “Në qytetin e Sepahanit po pritet me një interes të jashtëzakonshëm kjo sfidë. Nesër në stadium pritet të jenë rreth 70 mijë tifozë. Luajmë ndaj Al Nasri në rradhët e së cilës luajnë Luka Toni dhe Breshiano dhe kjo e bën edhe më emocionuese për mua këtë ndeshje. Të paktën nga sa më ka thënë trajneri, unë mendoj se do jem në formacion dhe premtoj të bëj më të mirën për skuadrën time. Sepahan pretendon ta fitojë sivjet këtë trofe shumë të rëndësishëm dhe prandaj duhet ta nisim me fitore”.
www.shkodrasport.com
