Kombëtarja e Shpresave do të luajë në datën 11 tetor një ndeshje luksi në kuadër të kualifikueseve të Europianit 2021 ndaj Spanjës.
Takimi që luhet në “Elbasan Arena” do t’i shërbejë trajnerit Alban Bushi më shumë për të provuar futbollistë të rinj të cilët mund të jenë pjesë e skuadrës në eliminatoret e radhës.
Në prag të takimit ndaj Shqipërisë, është trajneri i Spanjës ai që ka bërë publike listën me futbollistët e grumbulluar për këtë takim dhe bie në sy një numër i lartë i futbollistëve që luajnë me disa nga klubet më elitare në Europë.
Jesus Valejo Lazaro nga Real Madrid, Borja Majoral nga Levante, Baragan nga Valencia apo Fabian Ruiz nga Napoli do të jenë disa nga futbollistët që do të vijnë në “Elbasan Arena” javën e ardhshme për t’u përballur me kuqezinjtë. Ndeshja e parë, e luajtur në Spanjë është mbyllur me humbje për Shqipërinë me rezultatin 3-0.
