Ylber Ramadani ka reaguar në lidhje mbi lajmet që Interi ka interes për të. Me anë të një postimi në profilin e tij në Instagram, Ramadani ka shpjeguar dhe sqaruar atë ç’ka tha në intervistën e dhënë për SuperSport, duke u shprehur se mediat italiane nuk e kanë përkthyer siç duhet dhe nuk është raportuar siç është thënë.
Me anë të një “InstaStory” Ramadani thotë:
“Të hënën fola në një program televiziv në Supersport në Shqipëri.Më bënë disa pyetje të cilave iu përgjigja, por më pas me përkthimin këtu në Itali kuptimi nuk u raportua siç duhet dhe nuk u kuptua mirë. Më pyetën për një interesim nga Interi me drejtorin e tyre sportiv që ndoqi disa ndeshje të kombëtares shqiptare.
Unë thjesht u përgjigja duke thënë se nuk e di nëse mund të ketë një interesim të tillë, por nëse është kështu do të ishte një motiv shtesë si për çdo futbollist. Gjithashtu më pyetën nëse duhet të shënoja gol në ndeshjen e radhës kundër Milanit.
Për këtë pyetje i thashë se nëse do të kisha sukses do të bëja sërish të njëjtën intervistë dhe do t’u jepja fanellën time. Forca Leçe”, shkruan Ramadani në Instagram
