Në puntatën e radhës në “Elite Show”, tema e pra e diskutimit lidhej me rezultatet e javës së fundit të sezonit të rregullt në Superiore, veçanërisht te Vllaznia – Skënderbeu 1-5, humbje që paradoksalisht u siguroi kuqebluve pjesëmarrjen ën Europë. Ylli Aga, komentator dhe gazetar në SuperSport, për këtë rast u shpreh:
“Ishte situatë e çuditshme, doja të sillja në vëmendje nëse ka ndonjë rast që një klub fiton duke e humbur një ndeshje.
Ka raste pa fund që një skuadër e piloton rezultatin, sikurse e kërkon. Çdo përcaktim rezultati është lajm i keq, është mënyrë e gabuar si kërkon ta trajtosh futbollin. Nëse futbollit i humbet enigma e rezultatit përfundimtar, jemi në pikën zero.
Kur u pyet trajneri i Tottenhamit nga një gazetar nëse do ta humbni ndeshjen me City-n, që titullin të mos e fitojë Arsenali, ai u përgjigj me një pyetje: “Sa për qind janë këta tifozë, 49%, 50%, 51%?” Ishte një përgjigje me ironi. Kur futesh në një ndeshje, nuk e bën për të humbur. Prandaj ai kampionat (Premier League) është më i ndjekuri në botë”.
