Sulmuesi i Real Madrid Gareth Bale ka fituar Topin e Artë të Botërorit për Klube.
Në përfundim të finales së madhe mes Real Madrid dhe Al Ain, janë ndarë çmimet personale përpara se trofeu i Kupës së Botës për Klube t’u kalonte lojtarëve të Madrid.
Megjithëse nuk arriti të shënonte asnjë nga katër golat e Real në finale, uellsiani ka merituar çmimin personal që ndahet çdo vit.
Ai ka shënuar tre gola në gjysmëfinale ndaj Kashima-s dhe ka qenë një nga lojtarët që u ka shkaktuar më tepër probleme kundërshtarëve edhe në finale.
Real Madrid ka fituar 4-1 në finale duke triumfuar për të tretën herë radhazi në këtë kompeticion.
