Ditët e fundit ka plasur një debat në media në mes dy figurave të shquara të futbollit shkodran dhe atij shqiptar. Rudi Vata dhe Armir Grima kanë thënë jo pak gjëra ndaj njëri-tjetrit dhe kjo në fakt ka krijuar një klimë aspak të mirë. Por si për t’i dhënë fund këtij debati të panevojshëm, ka ndërhyrë një tjetër shkodran, Ylber Zani.
Ai duke jetuar në Tiranë nuk mund të shohë dhe të dëgjojë dy bashkëqytetarë të tij të grinden dhe për këtë arsye ka dërguar një mesazh për gazetën tonë ku shkruan: “Përshendetje. Mora iniciativën të shkruaj se u detyrova nga disa kolegë joshkodranë të cilët më thonë: Çfarë paskeni qenë ju shkodranët kështu duke sharë njëri- tjetrin? Shumë keq po bëjnë dy figura të futbollit shkodran duke sharë njëri-tjetrin se kështu po ngopim Shqipërinë. Ju lutem, mos dilni nëpër gazeta se u bëmë turpi i Shkodrës. Ne jemi djepi i kultures dhe i futbollit shqiptar. Duhet të kemi respekt për njëri-tjetrin e mos të humbasim kontributin që i keni dhënë në futbollin shkodran e kontributin që i keni dhënë Kombëtares së Shqipërisë”.
© shkodrasport.com
