Pas pak me shume se nje ore do te startoje ne Alyutus te Lituanise ndeshja e pare e grupit 10 te “Uefa Women’s Champions League” ne mes ekipit kampion te Irlandes Wexford Youths dhe kampiones se Shqiperise- Vllaznise.
Takimi do te nise ne oren 12.00 dhe nderkohe te dy ekipet kane zbardhur edhe formacionet me te cilet do te zbresin ne fushen e lojes me objektivin e qarte per ta fituar ate.
Keshtu, trajneri Nikolin Leka ka planifikuar ta nise ndeshjen me kete formacion: Ne porte do te jete amerikania Etzel, e me pas per te vazhduar me Blanchard, Bajraktari, Gjini e Maliqi ne mbrojtje. Ne mesfushe do te luajne Dauzat, Franja, Vuliç e Mustafa ndersa ne sulm do te jete dyshja Doçi- Doyle.
Uefa nderkohe ka caktuar si arbitre per kete ndeshje danezen Tinna Høj Christensen, e cila do te ndihmohet nga danezja tjeter Line-Maria Rasmussen dhe lituanezja Ugne Šmitaite.
Vllaznia padyshim qe do te tentoje ta nise kete edicion me fitore, per te shpresuar pastaj deri ne fund per kualifikimin ne turin e dyte te ketij kompeticioni te rendesishem, megjithate ajo qe duhet eshte fitorja sot fillimisht.
www.shkodrasport.com
