Ishte një ngjarje që bëri bujë para një viti në Superligë ku në finalen e sezonit të kaluar për mbijetesë mes Vllaznisë dhe Tiranës, Elis Bakaj që në atë periudhë aktivizohej me shkodranët refuzoi të luante.
Në atë moment të gjithë vërshuan ndaj sulmuesit me komente negative duke e cilësuar jo profesionist dhe se nuk e meritonte të luante për Vllazninë.
Si përfundim Bakaj nuk luajti në atë takim që përfundoi 0-0 dhe Vllaznia shpëtoi ndërsa Tirana u rrëzua në Kategorinë e Parë.
Së fundmi sulmuesi që tani luan në Bjellorusi ka zbuluar prapaskenat ku tregon se është kërcënuar.
Ish-futbollisti i të dy ekipeve tha: ” Ata nisëm të më bënin presion mua. Dërgonin mesazhe me kërcënime.
Thonin që nëse unë luaj , atëherë më mirë të mos shkja në Tiranë. Tirana është qyteti im i lindjes, shtëpia ime.
Nga ana tjetër drejtuesit e Vllaznisë këmbëngulën që unë të luaja, por unë fola me trajnerin dhe e binda që do ishte më mirë pa mua.
Kjo ishte situata pasi të dy ekipet luftonin për mbijetesë dhe unë do ndihesha keq nga çdolloj rezultati”./newsport/
