Liverpool është shumë afër marrëveshjes me Lazio-n, por portierin shqiptar, Thomas Strakosha, për të cilin do të pagujnë 30 milionë sterlina, sipas raporteve.
Portieri i kombëtares shqiptare është vetëm një nga disa objektivat e lidhura me zëvendësimin e Loris Karius.
Ata janë interesuar më parë për portierin brazilian të Romës, Alisson dhe Jan Oblak, aktualisht pjesë e Atletico Madrid.
Gjithsesi Strakosha, duket një opsion më i mirë, pasi me 30 milionë sterlina, do të përfaqësonte një mundësi shumë më të lirë për Liverpool-in dhe për më tepër ai është shumë i ri, shkruan “Mirror”.
23-vjeçari i luajti të gjitha ndeshjet e Serie A (38) për Lazio sezonin e kaluar, por pranoi 49 gola.
Ky ishte sezoni i parë i shkëlqyer në “Stadio Olimpico” për futbollistin shqiptar si zgjidhje e parë për portën.
Lazio ka hezituar ta lërë të shkojë, por Liverpool-i po heziton për të nënshkruar me shqiptarin, pasi italianët janë afër përfundimit të një marrëveshjeje për zëvendësuesin e Strakoshës, Silvio Proto.
Kjo marrëveshje do të hapte derën që “Reds” të përfundonin nënshkrimin e tyre të tretë të verës.
Liverpool-i ka kërkuar një portier prej kohësh, pasi si Karius dhe Simon Mignolet, nuk kanë bindur në vitet e fundit.
Gafat e Karius, në finalen e Champions League kundër Real Madridit nuk janë harruar nga drejtuesit e klubit dhe ndaj ata po shohin alternativat për një opsion që garanton siguri.
Strakosha edhe pse është vetëm 23 vjeç është cilësuar si një nga portierët e rinj më të mirë në Serie A.
Kohët e fundit ai u shpreh se nuk e mendon një largim nga Lazio, pasi është ambientuar mjaft mirë dhe nuk ka ndërmend të largohet.
Gjithsesi fakti që Klopp e kërkon te Liverpool dhe ideja për të luajtur në një nga klubet më të mëdha në Premier League, mund të joshë 23-vjeçarin të transferohet te Liverpool. /EDS/
