Nëse Belgjika fiton Kupën e Botës, secili prej futbollistëve të kësaj skuadre do të marrë një shpërblim prej 515 mijë dollarësh nga Federata Belge e Futbollit, rreth 445 mijë euro për kokë.
Lajmin e kanë bërë të ditur vetë krerët e futbollit belg nga pika e grumbullimit të ekipit, ditën e enjte.
Belgjika do ta luajë ndeshjen e parë të Botërorit kundër Panama, ditën e hënë dhe do të ndeshet më pas me Tunizinë, pesë ditë më vonë.
Ndeshja e fundit për ta në Grupin G do të jetë më 28 qershor kundër Anglisë, e cila me shumë gjasa do të përcaktojë vendin e parë në këtë grup.
