Ndeshjet e Champions League për sezonin 2024-2025 do të kenë topin e ri zyrtar. Ai është publikuar të mërkurën një ditë përpara se të hidhet shorti për fazën e grupeve të këtij kompeticioni. Me këtë top do të luhen ndeshjet si për meshkuj edhe për femra.
Një ditë përpara hedhjes së shortit të Champions League 2024-2025, janë prezantuar topat zyrtarë, me të cilin do të luhen ndeshjet e këtij kompeticioni si për meshkuj edhe për femra. Yjet e famshëm, sinonim i turneut, shquhen me të zezë mbi gjashtëkëndëshat e bardhë.
Motivi klasik që theksohet nga detajet e kuqe dhe të verdha, është prekja e modernitetit, e cila reflekton në topa një brez të ri lojtarësh që do të garojnë për trofeun prestigjioz.Topi i ri është gjithashtu i pajisur me teknologjinë e performancës së lartë për të përmirësuar saktësinë dhe trajektoren e gjuajtjes.
Veshja e jashtme e topit garanton një kapje të sigurt dhe kontroll të plotë nga ana e portierëve, ndërsa dekorimi i mbyllur me nxehtësi garanton performancë të shkëlqyer. Përveç poliesterit të ricikluar dhe bojës me bazë uji, topat e rinj janë bërë me më shumë substanca me bazë biologjike sesa paraardhësit e tyre.
