Krahu i djathtë i trajnerit Ernest Gjoka, ndihmësi i tij Fatjon Tafaj e ka vlerësuar takimin e kaluar me Partizanin si të mirë për Vllazninë pavarësisht se fatin nuk ishte në anën e saj. Në një prononcim për “RTSH Sport”, numri 2 i pankinës shkodrane është shprehur kështu në lidhje me ndeshjen e para tre ditëve:
“Na duhet pak kohë të njohim ekipin. Ekipi u paraqit mirë, nuk patëm fatin me vete. Kemi probleme, por në vazhdimësi do mundohemi të punojmë sa më mirë për të ardhmen”. Po ashtu, Tafaj ka folur edhe për takimin e ardhshëm ndaj Kukësit, skuadër me të cilën ka punuar deri para pak muajsh. Duke folur në lidhje me të, ai është shprehur: “Ndeshje e vështirë. Kukësi brenda është ekip i fortë, por me Vllazninë duke kthyer kokën pas ndeshjet brenda i kemi pasur të vështira. Nisur nga kjo ata na kanë frikë ne”.
© shkodrasport.com
