Asambleja e jashëtzakonshme e Federatës Shqiptare të Peshëngritjes zhvilluar në kryeqytet ka zbuluar 6 anëtarët e rinj të kryesisë. Në fund të një votimi të fshehtë, ku në garë për 6 vende ishin 13 kandidatë, fitues kanë dalë:
Anxhelo Koleka e Erjon Kanxheri me 13 vota, Odise Moçka me 14 vota, Edlir Memaj me 13 vota, Baftjar Abazaj me 11 vota dhe Klaus Toska me 10 vota. Ndërkohë që presidenti i FSHP-së, zgjedhur në pranverën e këtij viti, është Theodhori Masllavica.
Ajo qe te ben pershtypje ne listen e anetareve te kryesise se re te kesaj Federate, eshte mosprania e asnje shkodrani ne te. Ndodh per here te pare keshtu pas shume e shume vitesh.
Por jo vetem kaq. Jane zgjedhur emra qe kane pak ose aspak lidhje me kete sport nderkohe qe nuk ka fituar ne votim nje emer i madh i ketij sporti siç eshte Mjeshtri i Merituar i Sportit Asim Belinova. Mbase peshengritja nuk ka me nevoje per kampione e rekordmene ne krye te saj por per njerez qe nuk e dine se çfare eshte shtanga.
Zgjedhjet e reja në KE-në e Federatës së Peshëngritjes u bënë pas dorëheqjes së mjaft anëtarëve të Komitetit Ekzekutiv, pas skandalit doping që përfshiu sërish këtë sport (2 raste doping këtë vit).
Nga ky skandal dha dorëheqjen edhe ish-presidenti Elez Gjoza, ndërkohë që shtanga është përjashtuar 2 vjet nga eventet olimpike nga KOKSH.
www.shkodrasport.com
