Trajneri i Vllaznisë Luan Zmijani nuk ka dëshirë të komentojë aspak se kush do të shpallet kampion, Skënderbeu, Kukësi apo ndonjë ekip tjetër. Për të, një pyetje e tillë është pa vend. “Të dalë kush të dojë kampion, mua nuk më intereson fare kjo gjë. Më intereson vetëm Vllaznia. Në Korçë menduan se po luajmë për Kukësin, në Kukës na thanë se po luanim për Skënderbeun, kjo është e habitshme.
Vllaznia do të luajë deri në fund ndershmërisht dhe përballë çdo kundërshtari do të kërkojë fitoren, për të respektuar veten, për të respektuar publikun tonë të zjarrtë”- ka thënë ai. I pyetur ndërkohë për humbjen e pësuar në fund në Kukës, Zmijani ka thënë: “E pësuam në fund, mund ta kishim pësuar ndoshta golin edhe më herët por në fakt ndeshja po shkonte drejt barazimit. Kukësit mendoi se i buzëqeshi fati në këtë takim dhe ne nuk kemi se çfarë të bëjmë. Thjesht u treguam të gjithëve se po respektojmë në mënyrën maksimale kampionatin”.
© shkodrasport.com
