Një lajm për futbollin dhe sportin në Shqipëri është heqja e tatim fitimit për pagat. Ky ligj është miratuar ditën e sotme dhe lidhur më këtë ligj ka folur zv.presidenti I FSHF-së, Edvin Libohova për “Supersport”. Në fjalën e tij, Libohova foli edhe për ndryshimin e formulës së Superligës, por një gjë e tillë nuk do të ndodhë të paktën për sezonin tjetër.
“Është një lajm shumë I mirë dhe ishte një nga kërkesat tona që kemi bërë. Kjo është një nga elementët bazë për të formalizuar futbollin dhe sportin. Pagat e futbollistëve janë më të larta se në sportet e tjera.
Kemi dy situata për ato skuadra kanë punuar me dy balance. Për ato ekipe që deklarojnë pagat më të ulta nuk do të ketë ndonjë përfitim pasi nuk kanë paguar taksat. Flitet për rastet e klubeve të caktuara që I kanë pasur pagat reale dhe janë miliona lekë që do të kursehen nga skuadrat.
Përfituesit e parë në këtë situatë janë sportistët pasi një pjesë të pagës I kanë marrë në dorë. Një tjetër gjë pozitive për lojtarët është edhe kur të shkojnë në arbitrazh pasi kur do të prishin kontratën do të përfitojnë shumën që kanë shënuar në kontratë. Klubi që deklaruar paga të rreme do të shkojë drejt formalizimit e do të futen në shina duke e kthyer në një biznes real.
Paketa nuk ka parasysh vetëm futbollin, por kemi rastin e klubeve që mbështen nga sponsorit dhe do të ketë më shumë sponsor që do të afrohen. Ky avantazhi tjetër që klubet do të kenë nga ky ligj.
Kemi interesim e lojtarëve dhe klubit. Nëse sot presidenti deklaron pagën e rreme do të jetë lojtari ai që do të bëjë presion që t’I deklarohet paga e plotë. Ky proçes do të shkojë gradualisht dhe shumë skuadra deklarojnë paga të vërteta dhe paguajnë taksa”.
Heqja e taksës për klubin? “Ligji I sponsorizimit është kryesor, por për momentin nuk ka kaluar ende. Edhe ky ligj që ka kaluar ka dy elemte që duhen diskutuar. Duhet të gjykojmë pak më gjerë dhe të gjithë duam që kjo paketë të mbarojë. Nuk fitojmë gjë po kërkuam shumë gjëra. Qeveria për futbollin ka bërë shumë pasi janë ndërtuar shumë ambiente të reja. Ky ligj nuk është vetëm për futbollin, por edhe për sported e tjera”.
Ndryshimi i formulës së Superligës? “Ky problem është disktuar në Komitetin Ekzekutiv. Formula e kampionatit vendoset para se të fillojë dhe ne nuk mund të vendosim tani për fillimin në shtator. Nëse kjo do të ishte evertetë do të ishte bërë kohë më parë dhe jo në këto momente”./newsport/
