Kanë kaluar gjithë verën në epiqendër të kritikave në Zvicër, por përfaqësuesja helvete vazhdon të ketë varësi të plotë ndaj shqiptarëve dhe të flasë shqip. Këtë e bën duke afruar një brez të ri, pasi i ka dhënë lamtumirën emrave si Behrami e Xhemajli të cilët kanë pasur një rol qendror në radhët e përfaqësueses së këtij vendi.
Tashmë liderët e rinj të përfaqësueses janë Xherdan Shaqiri dhe Granit Xhaka, me këtë të fundit që tashmë mund të cilësohet kapiteni i ri i ekipit pasi Strefan Lihtshtajner nuk figuron në listën e publikuar sot nga Petkoviç.
Por për të mundur Belgjikën, kundërshtarin e radhës në Ligën e Europës, trajneri ka ftuar edhe emra të tjerë të rinjsh shqiptarë.
Kështu, kthehet në ekip Albian Ajeti, i cili debutoi një muaj më parë me fanellën e kësaj përfaqësueseje dhe arriti të linte shenjë duke shënuar gol ndaj Islandës. Ndërkohë, një emër i cili shihet si kandidat i mundshëm për të zënë vendin e lënë bosh në të djathtë nga Lihtshtajner, është Florent Hadërgjona.
Lojtari i Hadërsfilld mungonte në radhët e Zvicrës që nga miqësorja e qershorit të vitit të kaluar ndaj Bjellorusisë, e vetmja që ka luajtur me këtë fanellë, por kthehet tanimë me synimin për të luajtur më rregullisht me përfaqësuesen për të cilën refuzoi ftesat nga Shqipëria dhe Kosova. /vipsport/
