Rasti fatkeq i futbollistit ganez Rafael Duamena që humbi jetën në ndeshjen Egnatia- Partizani për Superligën, rikthen në vëmendje respektimin e aspektit shëndetësor në federimin e sportistëve në Shqipëri.
Sipas mjekut të mirënjohur sportiv Zyhdi Çoba, Dwamena nuk duhej te ishte lejuar te luante, por nga ana tjeter u shpreh per “RTSH SHkodra” se duhet para kush e kishte dhene garancine e fundit per te luajtur.
“Ky lojtar eshte kthyer nga kontrollet mjekesore ne Spanje, Zvicer dhe Angli, te cilet nuk kane lejuar te vazhdoje sportin. Por ai me insistimin e tij, me defribilator a nuk e di se si, ka dashur me çdo kusht te jete ne fushe. Nuk e di ku e ka bere verifikimin e fundit dhe garancine per te luajtur, por ne fakt ai nuk duhej te kishte luajtur me”- eshte shprehur ai.
Mjeku Çoba njekohesisht ka folur edhe per urdherin e dale nga Federata dhe qe ekziston prej kohesh ne futbollin shqiptar teksa ka shtuar: “Me urdher te Federates, te gjithe futbollistet e Superliges, por edhe te te gjitha moshave e kane per detyre te bejne kontrollin mjekesor para se te behet federimi i tyre, ose federimi nuk behet nese nuk shkon kartela mjekesore.
Kur kemi raste te dyshuara, futemi ne diskutim me specialistet per te marre konfirmimin e tyre nese ky futbollist eshte i afte per te luajtur apo jo”.
Njekohesisht mjeku i Vllaznise ka bere te ditur se ambulancat dhe urgjenca nuk janë të pajisura të gjitha me mjetet e domosdoshme për të shpëtuar jetë, ndërsa vë theksin edhe tek mjekët specialistë pikërisht për urgjencën në fushën e blertë.
“Defribilatorin nuk e kane te gjitha autoambulancat. Ai eshte i domosdoshem qe te jete aty, por me i rendesishem eshte qe mjeku i urgjences duhet te jete i specializuar per perdorimin e te gjitha ketyre aparaturave. Ne futbollin shqiptar disa ekipe kane mjek, disa te tjere nuk kane. Kane fizioterapiste e masazhatore, por une them se duhet te kene medoemos nje mjek te specializuar per urgjencen.
Duhet me i kthy syte nga sherbimi mjekesor sepse nuk mund te ecim si kemi ecur deri tani sepse nje here na ndodhin keto ngjarje te renda. Une uroj qe dikush te vere dore dhe te mos na ndodhin kesilloj gjerash te renda”- eshte shprehur mjeku me nje pervoje 60 vjeçare ne sport Zyhdi Çoba./SHKODRA-SPORT.COM/
