Dihej prej ditësh, por tashmë është zyrtare. Luigi Di Biagio do të jetë trajneri i ri i Dinamos. Italiani do të ulet në pankinën e dinamovitëve.
Sot trajneri italian ka drejtuar dhe seancën e parë stërvitore dhe duket se ka sjellë një frymë të mirë dhe pozitive në kampin e kryeqytetasve.
Kujtojmë që trajneri Di Biagio do të ketë edhe dy ndihmës në stafin e tij, ish-futbollistin e kombëtares kuq e zi, Ledian Memushaj dhe trajnerin italian Fabrizio Piccareta. Ja njoftimi i klubit dinamovit per levizjet e fundit:
Luigi Di Biagio është trajneri i ri i Dinamos!
Tekniku 52-vjeçar ka nisur zyrtarisht punën me skuadrën dhe ka drejtuar seancën e parë stërvitore në Carpegna (Itali), aty ku blutë janë zhvendosur ditën e sotme për të kryer edhe pjesën e dytë të fazës përgatitore.
Di Biagio ka drejtuar më parë kombëtaren italiane U21 në vitet 2013-2019 ndërsa pati edhe një përvojë në vitin 2020 me skuadrën e SPAL-it në Serinë A. Në vitin 2018 pati edhe një eksperiencë me kombëtaren A të Italisë, si trajner i përkohshëm për miqësoret ndaj Argjentinës dhe Anglisë.
Trajneri Di Biagio do të ketë edhe dy ndihmës në stafin e tij, ish-futbollistin e kombëtares kuq e zi, Ledian Memushaj dhe trajnerin italian Fabrizio Piccareta.
