Më në fund vjen edhe konfirmimi zyrtar. Ernest Gjoka nuk do të jetë më trajneri i Vllaznisë.
Fjalët e përhapura pasditen e djeshme pas ndeshjes me Partizanin, janë konfirmuar prej vetë atij pasditen e sotme kur i ka paraqitur zyrtarisht dorëheqjen drejtuesve të klubit.
Kjo gjë bëhet e ditur përmes faqes së klubit në të cilën shkruhet:
Trajneri Ernest Gjoka pasditen e sotme ka paraqitur zyrtarisht dorëheqjen nga drejtimi i skuadrës.
KF Vllaznia bën të ditur se që prej ditës së nesërme dhe deri në fund të kampionatit, ekipi do të trajnohet nga trajneri i ekipit B, Ervis Kraja”.
Vetëm kaq shkruhet në komunikatën e klubit shkodran.
Kuptohet që kjo ishte një zgjedhje deri diku e detyrueshme sepse bëhet fjalë për vetëm 9 ditë drejtim të ekipit dhe padyshim që klubi nuk do të gjente zgjidhje tjetër përveçse brenda vetë klubit.
www.shkodrasport.com
