Pas Bozhoviç zyrtarizohet edhe largimi I një tjetër futbollisti malazez nga ato që kishin firmosur pak kohë më parë për Vllazninë. Bëhet fjalë për Ivan Novoviç. Ashtu siç kishim shkruar edhe në numrin e djeshëm të gazetës sonë, ky futbollist ishte në bisedime me drejtuesit e ekipit moldav Dacia të Kisinaut. Ndërkohë në orët e mbrëmjes së djeshme portali malazez cg-fudbal.com do të zyrtarizonte këtë kalim. “Zyrtare, Novoviç firmos për Dacian”- shkruhej në të.në shkrimin e këtij portali bëhej e ditur se ka qenë një marëveshje në mes klubit të Zetës që ka kartonin e futbollistit dhe atij Dacia për të bërë këtë lëvizje. Për këtë arsye, është rënë dakord që për 6 muaj ai të luajë si I huazuar tek kjo skuadër dhe nëse gjatë kësaj periudhe, I pëlqen trajnerit të skuadrës moldave me paraqitjet e tij, atëherë në janar do të bisedohet konkretisht për kontratën e re. kështu shkruhet në faqet malazeze por ndërkohë askund nuk përmendet Vllaznia. Çuditërisht!Vllaznia. Po bëhet e bezdishme kjo gjë mesa duket. Fillimisht doli çështja e Bozhoviç. Ai ndonëse kishte hedhur firmë në parakontratë me presidentin Çela të Vllaznisë, firmosi zyrtarisht në Austri me Listenau. Drejtuesi I lartë I klubit shkodran e shpjegoi këtë gjë me një leje që vetë ai I kishte dhënë këtij lojtari për të firmosur ngaqë kontrata e ofruar nga austriakët ka qenë shumë herë më e lartë nga ana financiare sesa ajo që do merrte tek Vllaznia. Çela megjithatë siguronte se dy futbollistët e tjerë malazezë që kishin firmosur edhe ato parakontrata, Burzanoviç dhe Novoviç, nuk bëhej fjalë të largoheshin nga skuadra shkodrane. Megjithatë vetëm pak ditë më vonë tashmë del në skenë largimi I mundshëm I një tjetër futbollisti. Novoviç ka qenë në bisedime me moldavët e Dacia Kisinaut dhe nga sa është shkruar mbrëmë, ka firmosur për ta. Sot duhet të presim një reagim zyrtar nga ana e klubit Vllaznia, nëse është e vërtetë kjo gjë apo jo.
Lojtari. Burime pranë Novoviç bëjnë të ditur se ai vërtetë ka qenë në bisedime me Dacian megjithatë kalimi I tij nuk mund të quhet punë e kryer sepse nuk ka rënë krejt dakord për anën financiare të kontratës. E habitshme kjo sesi një futbollist që e mban veten për profesionist mund të hyjë në bisedime me një klub tjetër përderisa vetë ai, pa e shtrënguar askush, erdhi në Shkodër dhe firmosi me Vllazninë. Pikërisht për këtë, drejtuesit e klubit shkodran duhet të reagojnë njëherë e mirë në lidhje me këtë situatë të krijuar e cila ka sjellë jo pak pështjellim në kampin kuqeblu.
www.shkodrasport.com
Faksimile e portalit malazez qe zyrtarizon kalimin e Novoviç tek Dacia
