Juventus po kryen detajet e fundit për rikthimin e Martin Caceres në Torino. Qendërmbrojtësi do të veshë sërish fanellën bardhezi deri në fund të këtij sezoni, duke qenë se Medhi Benatia do të largohet drejt Katarit.
Kampionët e Italisë do të paguajnë 600 mijë euro te Lazio për huazimin e 31-vjeçarit. Një lëvizje e detyrueshme nga Allegri, pasi Benatia kërkoi largimin dhe la boshllëk në rast dëmtimi të lojtarëve të formacionit bazë.
Martin #Caceres è al #JMedical. Il difensore uruguaiano è arrivato questa mattina per sottoporsi alle visite mediche pic.twitter.com/F4NEjNMW7S
— JuventusFC (@juventusfc) January 26, 2019
Uruguaiani ka veshur në vitin 2009-10 fanellën e Juventusit, pasi u huazua nga Barcelona, ndërsa nga viti 2012-16 ishte lojtar i bardhezinjve.
Sot, ai ka mbërritur në J-Medical dhe do të kryejë vizitat mjekësore për të përmbyllur kalimin dhe firmën e tij mbi kontratë./telesport/
