Lajme të mira kanë mbërritur mëngjesin e sotëm në ambientet e klubit të Liverpoolit. Mohamed Salah nuk do të largohet nga “The Reds” duke rinovuar kontratën me ta tashmë.
Këtë e ka bërë të ditur vetë Liverpool nëpërmjet një postimi në faqen e tyre zyrtare. “Mbretërimi i Mbretit vazhdon.”, ka shkruar ekipi anglez në një fotografi të Salah në “Anfield” pasi rinovoi kontratën.
Ylli egjiptian do të jetë me Liverpool edhe për dy vitet e ardhshme, me kontratën e tij që skadon tashmë në vitin 2027. Kontrata e mëparshme skadonte në verën e këtij viti, por “mbreti egjiptian” vendosi të qëndrojë.
