Kristian Mba është i larguari i radhës nga Partizani, një transferim që zyrtarizohet nga “demat” para sfidës me Skënderbeun.
Klubi i kuq ka arritur akordin për transferimin e sulmuesit në Ukrainë te klubi i Metalist Kharkiv.
Mba është titullari i katërt që largohet nga Partizani në Ukrainë gjatë kësaj merkato. Më parë ishin Hadroj, Cara dhe Rrapaj që lanë nënkampionët për të njëjtin vend.
Njoftimi i Partizanit:
“Partizani njofton arritjen e marrëveshjes me klubin FC Metalist 1925 Kharkiv për transferimin e sulmuesit Christian Mba në kampionatin ukrainas të futbollit.
Klubi i shpreh mirënjohjen lojtarit për kontributin e dhënë dhe përkushtimin e tij me fanelën e kuqe, me të cilën fitoj edhe titullin kampion të Shqipërisë.
Shumë suksese në aventurën tënde të re Christian Mba. Kënaqësi që ishe pjesë e familjes tonë të madhe FK Partizani”.
