Marrin fund dilemat për postin e trajnerit të Vllaznisë. Rudi Vata do të jetë njeriu që do pasojë Mirel Josën në pankinë shkodrane. Ish-kapiteni I kombëtares shqiptare në këtë mënyrë do ta nisë punën e trajnerit pikërisht me skuadrën e qytetit të tij. Një sfidë më vete për këtë futbollist të mirënjohur që nis kësisoj një detyrë të re, atë të trajnerit, me të njëjtin qëllim: një karrierë sa më të suksesshme.
Emërimi zyrtar I Vatës do bëhet gjatë ditës së sotme sepse drejtuesit e klubit shkodran nuk kanë dashur ta bëjnë publike një gjë të tillë gjatë ditës së djeshme. Madje, ata e kanë ruajtur me sekretin më të madh këtë gjë. Dy kanë qenë kandidaturat më të mundshme, ajo e Vatës dhe e Starovës. Ky I fundit, ndonëse fillimisht shfaqi dëshirën e tij për të drejtuar Vllazninë, më pas nuk mund të heqë dorë mesa duket nga Teuta falë raporteve të mira me presidentin Hasanbelliu dhe për rrjedhojë shkodranët kanë ngulur shigjetën tek emri më I mundshëm për postin e trajnerit: tek Rudi Vata. Atij I është besuar drejtimi I skuadrës dhe drejtuesit e klubit Vllaznia I kanë besuar pikërisht dëshirës së madhe të Vatës për ta bërë këtë gjë me skuadrën e qytetit të tij. Vërtetë ai nuk ka përvojë si trajner, por drejtuesit kuqeblu I kanë besuar përvojës së madhe si ish-futbollist dhe kapiten I kombëtares, I kanë besuar aktivizimit të tij me shumë emra të njohur në futbollin europian dhe natyrshëm që në Shkodër do sjellë shumë prej atyre çfarë ka mësuar atje. Ndoshta shumëkush mund të ketë menduar se eksperimentime të tilla me Vatën nuk janë bërë në një moment të përshtatshëm për skuadrën. Por përvoja e tij natyrisht që do vlejë. Edhe stafi që do zgjedhë të ketë me vete, do ta ndihmojë shumë në punën e tij. Në këtë mënyrë, ende pa u mbushur java nga largimi I Josës, Vllaznia e gjen trajnerin. Jo shumë larg në fakt sespe Rudi Vata ka qenë në Shkodër këtë periudhë rastësisht por në fakt, e ka gjetur larg sepse ai jeton në Skoci me familjen e tij. Detyra e re në krye të Vllaznisë mund ta kushtëzojë ndoshta marrjen e familjes në |Shkodër megjithatë kjo do shihet në vazhdim. E rëndësishme është që drejtuesit e klubit I kanë besuar një shkodrani. Një djali të mirë të saj I cili atë që nuk ia ka dhënë Vllaznisë si futbollit (jo për fajin e tij), do të kërkojë t’ia japë si trajner.
